समाज सेवीलाई नेपाली क्लब र एन आर एन ए, बहराइनले बिदाई गर्‍यो

सन्तोष दाहाल/बहराइन

श्री भेषबहादुर सेन, घतान गा.वि.स. वार्ड नं. १, म्याग्दी, धवलागीरी, बिगत १ दशक भन्दा पनि बढी बहराइनमा रही बिभिन्न संघ संस्थाहरुमा आवद्ध भई बहराइनमा समाज सेवा गर्दै आउनु भएका यी समाज सेवी बिगत ६ वर्षभन्दा पहिला देखी नै नेपाली क्लबको बिभिन्न पदमा रही नेपाली क्लबलाई अमुल्य योगदान दीदै आउनु भएको थियो र हाल नेपाली क्लबको सल्लाहकारको रुपमा रहनु भएको छ भने एन आर एन ए बहराइनको स्थापना काल देखी नै अहीले सम्म कोषाध्यक्षको पद सफलतापुवक सम्हाली सक्नु भएको छ । र उहाँ बहराइन छाडी आफ्नौ देश फर्कने हुनु भएकाले उहाँलाई बिदाई गर्न नेपाली क्लब र एन आर एन ए, बहराइनले संयुक्त रुपमा नेपाली क्लबको सभाहलमा मिति ०४ जुन २०१० का दिन एक बिदाई कार्यक्रम सम्पन्न गरेको छ । उक्त कार्यक्रममा नेपाली क्लबको तर्फबाट क्लबका अध्यक्ष श्री दुर्गा गिरीले सम्मान-पत्र द्धारा बिभुषीत गर्नु भएको थियो भने एन आर एन ए को तर्फबाट एन आर एन ए, बहराइनका प्रमुख सल्लाहकार श्री पुरणपाल र्राईले सम्मान-पत्र प्रदान गर्नु भएको थियो । उपस्थित सबैमहानुभावले उहाँको कामको प्रसंषा गर्नु भएको थियो । भने उहाँ यो हप्ता भित्रमा नेपाल र्फकदै हुनुहुन्छ ।