बहराइन एकत्ता समाजले मजदुर दिवस मनायो

सन्तोष दाहाल/बहराइन

बहराइन नेपाली एकत्ता समाज खेल तथा मनोरञ्जन बिभाग केन्द्रिय समितिले १२१ औं मई दिवसको अवसर पारेर आफ्ना कार्यकर्ताहरुलाई भलिबल टुर्नामेन्ट प्रतियोगिता सम्पन्न गरेको छ । भलिबल प्रतियोगिता ३० अप्रील २०१० देखी नै सुरु भएको थियो । पहिलो दिनको कार्यक्रमको सञ्चालन कृष्ण चन्दले गर्नु भएको थियो । कार्यक्रम उद्दघाटन अमर आलेले गर्नु भएको थियो भने स्वागत मन्तब्य पदम गुरुङ्गले गर्नु भएको थियो ।

अन्तराष्ट्रिय मजदुर दिवस १ मईको कार्यक्रमको सञ्चालन केन्द्रिय सचिव श्यामप्रसाद गौतमले गर्नु भएको थियो । कार्यक्रमको सभापति समाजका अध्यक्ष तेजमान सिन्जालीले गर्नु भएको थियो भने अतिथिहरुमा बिभिन्न संस्थाका प्रतिनिधिहरु हुनुहुन्थ्यो । स्वागत भाषण समाजका महासचिव एल बी रानाले गर्नु भएको थियो । भने खेलाडी ब्याबस्थापन र रेफ्रीको जिम्मेवारी कृष्ण चन्दले गर्नु भएको थियो । यस खेलमा भागलीने टिमहरु यस प्रकार थिए :- (१) आर्कल इकाई समिति (२) ३ नं. क्षेत्रिय समिति, आर्कल (३) अलधारणी इकाई समिति (४) अलदेसी इकाई समिति (५) खमीज इकाई समिति (६) जनबीया इकाई समिति (७) तुब्ली एरिया समिति (८) जल्लाक इकाई समिति र (९) जिसीसी इकाई समिति थिए भने बहराइन स्थित सलमाबादको खुल्ला चौरमा उक्त प्रतियोगिता खेलाईएको थियो । खेल अति नै मनोरञ्जनपूर्ण हुनुका साथै प्रतिस्प्रधात्मकका बाबजुत तुब्ली एरिया समिति प्रथमहुन सफल भएको थियो र उसले पुरस्कार स्वरुप १ वटा खसी, डोल्मा जिवन रक्षा सील र प्रमाण-पत्र पाएको थियो भने ३ नं. क्षेत्रिय समिति, आर्कल दोस्रो स्थानमा पाउन सफल भएको थियो र उसले पनि पुरस्कार स्वरुप १ वटा खसी र प्रमाण पत्रहरु पाएको थियो ।