जनप्रगतिशिल मञ्च बहराइनको श्रमीक दिवस

सन्तोष दाहाल/बहराइन

"राष्ट्रिय स्वाधिन्ता सहितको नागरिक सर्वोच्चता, जनमुखी संविधान निर्माणको निम्ती मजदुर एकता आजको आवश्यकता" भन्ने नारा सहित नेपाली जनप्रगतिशिल मञ्च, बहराइनले सित्रा स्थित मोःमो इन्टरनेशनल एण्ड क्याट्रीङ्ग सेन्टरको हलमा ३० अप्रील २०१० का दिन अन्तराष्ट्रिय मजदुर दिवस एक कार्यक्रमको आयोजना गरी मनाएका छ । उक्त कार्यक्रमको सभापति क्षेत्रीय समिति, मानमाका अध्यक्ष श्रीमती मिना केसी -नेपाल) हुनुहुन्थ्यो । प्रमुख अतिथिमा केन्द्रिय समितिका अध्यक्ष अर्जुनप्रसाद धमला हुनुहुन्थ्यो भने अतिथिहरुमा बिभिन्न संस्थाबाट पाल्नु भएका महानुभावहरु हुनुहुन्थ्यो । कार्यक्रमको सञ्चालन केशर बा. खत्रीले गर्नु भएको थियो । सहीदको सम्झनामा एक मिनेट मैन धारण गरी उक्त कार्यक्रम सुरुवात गरीएकामा स्वागत मन्तव्य भने अग्नि भट्टर्राईले दिनु भएको थियो । एनेकपा माओवादी बिदेश राज्य समितिकार् इन्चार्ज कृष्णबहादुर महराले नेपालबाट पठाउनु भएको शुभकामना तथा एक्यबद्धता पत्र मञ्चमा महासचिव डबेन्द्र तिरुवाले पढेर सुनाउनु भएको थियो । कार्यक्रमको बिच बिचमा बहराइनमा कार्यरत मजदुरहरुलाई मनोरञ्जन प्रदान गर्न यस मञ्चका सदस्यहरुले बिभिन्न प्रकारका गीतहरु गाएका थिए । मन्तव्य दिन क्रममा बहराइन स्थित बिभिन्न संस्थाबाट पाल्नुहुने अतिथिहरुले श्रमीकहरुको बारेमा आ-आफ्नो धारणा राख्नु भएको थियो । भने कार्यक्रमको अन्त्यमा यस कार्यक्रमका सभापति श्रीमती मिना केसी -नेपाल)ले कार्यक्रम समापन गर्न क्रममा "विकृती, विसंगती र कुलतको बिरोध तथा यस्ता कार्यहरुमा संलग्नता बढेका कारण समस्याहरु थपीने गरेको छ र बिकृती बिसंगती र कुलत त्यागे समस्याहरु आफै न्युनिकरण हुने छ र हामी सबै मजदुरको समस्याहरु हलहुदै जाने छ" भन्ने कुराहरु राख्दै कार्यक्रम सफल बनाउन सहयोग गर्ने यस मञ्चका सदस्यहरुलाई धन्यवाद दिदै कार्यक्रम सम्पन्न गर्नु भएको थियो ।